දකුණු චීන මුහුදට අඩි 3000ක් පමණ ගැඹුරින් නව කකුළුවන් විශේෂයක් සොයා ගැනේ.

දකුණු චීනයේ ගැඹුරු මුහුදේ සිදුකරන ලද පෙරළිකාර ගවේෂණයක දී, පර්යේෂකයන් විසින් විශ්මය ජනක නව සොයාගැනීමක් සිදුකර තිබේ. එනම් දකුණු චීන මුහුදේ මතුපිට සිට අඩි 3,000 ක් පමණ ගැඹුරින් පෙර නොදන්නා නව කකුළුවන් විශේෂයක් සොයාගෙන තිබේ.

මුහුදේ ගෞරවයට පාත්‍ර වූ චීන දේවතාවිය වන Mazu ගේ නාමයෙන් Gordonopsis mazupo ලෙස නම් කර ඇති මෙම නව සත්වයා තම ඥාතීන්ගෙන් වෙන්කර හඳුනාගත හැකි සුවිශේෂී ලක්ෂණ කිහිපයක් එම පර්‍යේෂකයන් පෙන්වාදී ඇත.

දිගටි කකුල් සහ තල වැනි නියපොතු සහිත කශේරුකා වලින් වැසී ඇති මෙම සත්වයා, සාපේක්ෂව G. pacifica ට සමීපව සමාන නමුත් වෙනස්කම්ද ඇත. කෙසේ නමුත් මෙම සත්වයා ගැඹුරු මුහුදේ වාසය කරන සාගර ජීවීන්ගේ ලැයිස්තුවට විශිෂ්ට එකතු කිරීමක් නියෝජනය කරන බව ඔවුන් පවසයි.

මෙම සොයාගැනීම සාගර ගැඹුරේ සැඟවී ඇති සාගර ජීවීන්ගේ විශ්මයජනක විවිධත්වය ඉස්මතු කරන අතර කකුළුවන්ගේ වාසස්ථාන, හැසිරීම සහ සංරක්ෂණ තත්ත්වය පිළිබඳ කුතුහලයක් ඇති කර තිබේ. මේ වන විට එක් නිදර්ශකයක් පමණක් එකතු කර ඇති අතර, මෙම නව විශේෂය සහ එහි පරිසර පද්ධතිය අවබෝධ කර ගැනීමේ ගවේෂණය දැනටමත් ආරම්භ වී ඇත.

විද්‍යාඥයන් විසින් ගැඹුරු මුහුදේ අබිරහස් ගවේෂණය කිරීමේදී හමුවන මෙවැනි නව සොයාගැනීම් මඟින් පරිසර පද්ධති ආරක්ෂා කිරීම සඳහා වැඩිදුර පර්යේෂණ සහ සංරක්ෂණ ප්‍රයත්නවල අවශ්‍යතාව අවධාරණය කරයි.

ocean 1 st by oceanlust

(www.newsweek.com) වෙබ් අඩවිය ඇසුරිනි